ConceyosSociedá El Palaciu de Congresos acueye’l Festival d’Axedrez “Ciudad d’Uviéu” by redacción asturnews 29 de payares, 2019 written by redacción asturnews 29 de payares, 2019 45 El Palaciu de Congresos d’Uviéu acueye’l Festival d’Axedrez “Ciudad d’Uviéu”; una cita que se va desenvolver los díes 6 y 7 d’avientu ya inclúi la celebración del XXI Tornéu “Pablo Morán” d’axedrez a la ciega, alcuentros con alumnos de Hong Kong y l’exhibición de simultánees del campeón del mundu sub14, Pedro Ginés y la 7 vegaes campeona d’España, Mónica Calzetta. La conceyala de Deportes, Concepción Méndez, presentó esta selmana’l Festival d’Axedrez “Ciudad d’Uviéu” col que se conmemoren los 25 años de la escuela d’esta disciplina na capital asturiana. Una ocasión especial na que podrá esfrutase, el próximu 6 d’avientu, del campeón del mundu sub14, Pedro Ginés y la 7 vegaes campeona d’España Mónica Calzetta, “una lleenda viva del axedrez” nel tornéu “Pablo Morán”. Na competición de “axedrez a la ciega” (na que los participantes tapen los güeyos) los alumnos de la Escuela “Ciudá d’Uviéu” y el públicu polo xeneral van poder ver partíes d’altu nivel (a les 11:00, 16:30 y 18:30 hores), nes que tamién van participar el númberu unu n’Asturies, Carlos Suárez y el campeón d’España sub12, Diego Vergara, según esplicó’l presidente de la Escuela, Alberto Sánchez. El so compañeru y director deportivu de la institución académica, Alberto Llaneza, foi’l responsable de detallar el restu de la programación d’esti festival d’axedrez nel que va haber tiempu por que los alumnos de la escuela puedan competir con estudiantes en Hong Kong al traviés d’Internet (7 d’avientu, a les 10:00 hores). El festival cerrará ese mesmu día, a partir de les 16:00 hores, con una exhibición de partíes simultánees de Pedro Ginés y Mónica Calzetta. 0 FacebookTwitterPinterestEmail Anterior ¿Qué supon el Black Friday pal comerciu?: Un 663% más de compres siguiente Avilés xúnese al Festival Cultural Coreanu n’Asturies con música clásica y tradicional Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Barry B pieslla’l cartelu del Festival VESU