El Palaciu Congresos va acoyer esti febreru les III Xornaes Apícoles Internacionales Promiel Asturies

El conceyal de Turismu, Alfredo García Quintana, presentó esta mañana, en rueda de prensa, les III Xornaes Apícoles Internacionales Promiel Asturies, que se van celebrar del 7 al 9 nel Palaciu d’Esposiciones y Congresos, “una iniciativa que dende’l Conceyu queremos potenciar na midida de les nueses posibilidaes”.

Luis Pérez, presidente de Promiel, esplicó na presentación que “la xornada del vienres 7 va tener como temática la calidá estremada nel miel y per primer vegada van axuntase les denominaciones d’orixe ya indicaciones xeográfiques protexíes de miel d’España (Galicia, Alcarria, Tenerife, Llébana, Granada…), para aldericar sobro los beneficios y problemes a los que s’enfrenten por pertenecer a les mesmes.

El conteníu de les xornaes el sábadu 8 y domingu 9 va tratar sobro’l manexu apícola, y va cuntar cola presencia de dos ponentes internacionales: Ernesto Martín Colombani, visita per primer vegada España y va tratar de compartir con nós les sos conocencies responder por por un gran currículum; y Joao Tomé, xerente del “Val do Rosmaninho”, Portugal. El conteníu d’estes sesiones toma un gran abanicu de temes de gran importancia pal sector, baltes como rentabilidá, selección d’abeya, llucha contra lavarroa o vespa velutina”.