Portada Educación El nuevu teléfonu contra l’acosu escolar entama a tar operativu

El nuevu teléfonu contra l’acosu escolar entama a tar operativu

by redacción asturnews
Foto: Fausto Noriega (https://www.flickr.com/photos/123559103@N03/)

Dende esti mes de payares  va funcionar 24 hores al día los 365 díes del añu nel númberu 900 018 018 el nuevu teléfonu contra l’acosu escolar que nun dexa rastru na factura y ye gratuitu y confidencial.

El nuevu teléfonu contra l’acosu escolar, 900 018 018, del Ministeriu d’Educación, Cultura y Deporte entamaba a funcionar esti martes 1 de payares. Ye gratuitu, confidencial, nun dexa rastru na factura y va tar operativu les 24 hores del día, los 365 díes del añu, según informó’l secretariu d’Estáu d’Educación, Formación Profesional y Universidaes mientres la presentación d’esta ferramienta va dos selmanes.

Al otru llau de la llínea van trabayar casi una ventena de psicólogos, trabayadores sociales, xuristes y especialistes en llingua de signos en collaboración coles Fuerces y Cuerpos de Seguridá del Estáu. Estos especialistes van poner en conocencia de la Inspección educativa cada casu y los graves van derivar a la Policía.

Esto ye lo qu’avanzó’l secretariu’l númberu dos’ d’Educación el pasáu 20 d’ochobre mientres la presentación d’esti recursu pa faer frente al acoso escolar y a los problemes de convivencia nes aules, non yá ente iguales, sinón tamién ente alumnos y profesores.

Según Educación, el númberu ye “cenciellu de recordar” porque ‘018’ identificase cola edá de los escolares de cero a 18 años. Amás el Gobiernu nun refuga que más palantre se quede nun númberu de trés cifres, como’l qu’atiende los casos de violencia de xéneru 016, anque para eso ye necesariu que’l volume de llamaes sía bien alto.

Pa les persones con discapacidá auditiva o de la fala ponse a disposición un serviciu de mensaxería de testu, al mesmu tiempu que l’atención d’un especialista en Llingua de signos por video-chat o video-llamada.

Tamién te podria gustar