Portada Sociedá El nuevu plan de meyora de la conectividá va llegar a la zona rural xixonesa

El nuevu plan de meyora de la conectividá va llegar a la zona rural xixonesa

by redacción asturnews

El nuevu plan p’ameyorar les telecomunicaciones y la conectividad n’Asturies va actuar en daqué más de 250 zones de Xixón y va aportar conectividá a más de 2700 viviendes de la zona rural.

El programa de Universalización d’Infraestructures Dixitales para la Cohesión (UNICO), que foi aprobáu’l pasáu mes d’avientu y va empezar a executase anguaño, incide sobremanera na zona rural del conceyu. En total, ta previstu l’esplegue de fibra óptica en más de 3.000 unidaes inmobiliaries, de les que 2.740 figuren como viviendes.

Asina-y lo van treslladar a los vecinos y vecines de la zona rural xixonesa, el director xeneral d’Innovación, Investigación y Tresformamientu Dixital, Iván Aitor Lucas, y el conceyal de Distritu Rural, Ramón Tuero, nel alcuentru que van caltener a los ocho de la tarde cola Federación d’Asociaciones de Vecinos Les Caseríes.

CONSULTA EL PLAN UNICO FACIENDO CLIC NESTI ENLLAZ

Tamién te podria gustar