El Nuevu iPhone 11 llega con un negociu pocu estable

El Nuevu iPhone 11 llega con un negociu pocu estable
11 setiembre 09:08 2019 Imprimir

El Nuevu iPhone 11 que se presentó esti martes llega con un negociu pocu estable con ingresos procedentes d’ellos qu’escayen dende’l tercer trimestre de 2018, con un 16% de retrocesu.De cara a la presentación de la xeneración de teléfonos iPhone 11 el próximu martes, en Statista preguntaben si los teléfonos iPhone, de xuru los smartphones más rentables qu’esisten, siguen siendo curiosos para el consumidores, especialmente tres l’aumentu xeneral del so preciu dende’l iPhone X.

Esti gráficu, qu’amuesa la variación interañal de la facturación derivada de la so vienta, amuesa cómo los ingresos procedentes d’ellos escayen dende’l tercer trimestre de 2018 (últimu trimestre fiscal d’Apple), con un 16% de retrocesu esi periodu respecto al mesmu d’añu anterior. Esta franxa de tiempu coincide col llanzamientu de la so serie Xs.

Por mor d’ello, posiblemente, la presentación d’esti martes de los nuevos Iphone XI, XI Pro y XI Pro Max traxo pa con ella unos precios perembaxo de los que presentaron el Iphone XR, XS y XS Max hai un añu. Nesti sen, l’Iphone XI va salir al mercáu esti 20 de setiembre con un preciu de 809 euros, cincuenta menos de lo que costara’l Xr. El Iphone 11 Pro va salir por 1159 na so configuración básica de 64 Gb.

La gran novedá de los nuevos modelos yela meyora na propuesta fotográfica del teléfonu, que se va igualar col Huawei P 20 y les sos tres cámares que camudaron el mercáu l’añu pasáu. A ello vien a xuníse un procesador hasta seis veces más rápidu y una batería qu’allarga en cuatro y cinco hores les 16 que enía ufriendo el modelu anterior.

  Categories: