Portada Lliteratura El nuevu cuentu de J.K. Rowling llega de baldre, on line y por entregues diaries

El nuevu cuentu de J.K. Rowling llega de baldre, on line y por entregues diaries

by redacción asturnews

El nuevu cuentu de J.K. Rowling llega de baldre, on line y por entregues diaries. “The Ickabog ” escribiolu va diez años pa distrayer a los sos fíos antes de dormir y agora compartiralu pa solliviar el confinamientu.

Pa desaniciar los efectos de la cuarentena o faela más llevable, The Ickabog , el nuevu llibru pa neños que la escritora británica J.K.Rowling publicó gratuitamente al traviés d’interne t, atópase disponible dende esti miércoles, amás d’en inglés; en francés, italianu, alemán, español y portugués.

Son cinco los primeros capítulos traducíos y publicaos d’entamu na web www.theickabog.com, con entregues diaries hasta’l vienres 17 de xunetu. Rowling escribió The Ickabog -que va ser traducida llueu al chinu y al rusu- hai más de diez años como un cuentu antes de dormir pa los sos fíos pequenos. Y agora decidió compartilo col públicu p’ayudar a entretener a los neños, padres y cuidadores mientres el confinamientu producíu pola pandemia de coronavirus, que tamién afectó a la escritora.

Como esplicó la mesma autora va unos díes na so web, el llibru ye un cuentu infantil “sobre la verdá y l’abusu del poder”.Como rápido especificó, la idea, desenvuelta fai más d’una década “nun ta destinada a lleese como una respuesta a lo que ta asocediendo nel mundu nesti momentu”. Les temes, añede, son atemporales “y podríen aplicase a cualquier dómina o país”.

En publicándose n’internet de forma gratuita, The Ickabog va ser lleváu a llibru impresu y en formatu dixital en noviembre en francés, italianu, alemán, español, portugués de Brasil ya inglés. Los beneficios de les vientes van ser destinaos pola autora británica a proyectos qu’ayuden a grupos particularmente afectaos pola pandemia.

Escritu pa ser lleíu en voz alta,The Ickabog ye un cuentu de faes, ambientado nuna tierra imaxinaria, y sía que non una hestoria completa ensin relación con otros trabayos de l’autora. Destináu a neños d’ente 7 y 9 años, tola familia puede esfrutar d’ella, según puede lleese nel citáu comunicáu.

Amás, la escritora quier que los neños arréyense a midida que desenvuélvese la hestoria, y por eso ta convidando a potenciales artistes mozos a participar na ilustración de la so hestoria. Pa ello, animó a los padres y a tutores qu’unvien les ilustraciones de los sos fíos a un concursu internacional d’ilustración al efeuto. J.K. Rowling nun va ser parte del procesu d’evaluación pero va suxurir escenes y personaxes pa dibuxar diariamente mientres la publicación de la serie, que tendrán d’apaecer en redes sociales col hashtag #TheIckabog.

Los llibros en papel y en formatu dixital van ser publicaos en castellán per Sacavera, ente que va salir en audiolibro en noviembre.

Tamién te podria gustar