El nuevu ciclu del Cine de los Martes d’Avilés proyecta 8 películes d’autor de 6 nacionalidaes

El nuevu ciclu del Cine de los Martes d’Avilés proyecta 8 películes d’autor de 6 nacionalidaes
07 xineru 15:05 2020 Imprimir

Nel auditoriu de la Casa de Cultura d’Avilés, tolos martes tolos martes a les 20.15 hores, el nuevu ciclu del Cine de los Martes va proyectar ocho películes d’autor de seis nacionalidaes distintes. Entama esti martes día 7 cola proyección de “Día d’agua en Nueva York” y tolos llargumetraxes programaos fueron galardonaos o nomaos en prestixosos festivales de cine internacional.

La conceyala de Cultura, Yolanda Alonso, presentó esta selmana’l nuevu ciclu del Cine de los Martes” al pie de Jorge Iván Argiz, programador del mesmu. “Un apueste cultural consolidada n’Avilés que pon a disposición del públicu’l meyor cine español ya internacional, ufiertando un espaciu onde conocer películes alternatives ya independientes que collechen múltiples galardones nos distintos festivales”, en palabres d’Alonso.

Les proyecciones pa xineru y febreru son una selección apta pa un públicu ampliu que presenta a los nomes esenciales del cine internacional, con un marcáu calter d’autor y que reflexa los nuevos valores y cinematografíes. “Un apueste claru pola calidá que caltien la intención de complementar la ufierta cinematográfica de les sales comerciales, ensin suponer una competencia para les mesmes”, según esplicó la conceyala.

Nesta ocasión, el cartelu compónenlu 8 filmes que recueyen propuestes de 2019 de seis nacionalidaes distintes (España, Estaos Xuníos, Brasil, Suecia, Bélxica y Francia) y de xéneros variaos que van dende’l drama y el thriller hasta la comedia, l’acción y la comedia romántica. Toes elles proyectaránse nel auditoriu de la Casa de Cultura, una sala de cine yá consolidada na ciudá, con una calidá técnica ameyorada nos últimos años cola alquisición d’un nuevu proyeutor dixital en 2018 y una pantalla de mayor tamañu en 2019.

El ciclu caltien el so horariu habitual, de les 20.15 hores. Y tamién sigue col mesmu preciu, de 3 euros per sesión. Les entraes pueden adquirise directamente na taquilla de la Casa de Cultura, según al traviés d’Internet na páxina web https://entraes.liberbank.es/palaciovaldes.

Consulta equí la programación completa.

  Categories: