El muséu Gaspar Melchor de Xovellanos cumple mediu sieglu

El muséu Gaspar Melchor de Xovellanos cumple mediu sieglu
02 agostu 09:00 2021 Imprimir

El muséu Gaspar Melchor de Xovellanos cumple mediu sieglu y pa celebralo programa pa esti mes d’agostu una completa programación d’esposiciones, conferencies, visites, itinerarios presenciale y virtuales, amás de talleres empobinaos a los más pequeños.

Un 6 d’agostu de 1971 abría les sos puertes cola cuenta de promover l’estudiu y l’espardimientu de la vida de Xovellanos y del patrimoniu artísticu municipal. Cola presentación de la semeya pintada por Goya y la plataforma Xovellanos virtual, el muséu pretende facilitar l’accesu y la conocencia del legáu del ilustráu, garantizando l’espardimientu de la so obra y dando cumplimientu a unu de los sos oxetivos primordiales
MJ50_Xovellanos

Semeya de Gaspar Melchor de Xovellanos col arenal de San Llorienzo al fondu, 1780-1783. Francisco de Goya y Lucientes
Del 5 d’agostu al 12 de setiembre

La semeya encargada por el mesmu Xovellanos para’l so llar familiar torna a la so casa natal gracies a un préstamu del Muséu Nacional d’Escultura y el Muséu de Belles Artes d’Asturies. En 2019, dientro del programa De xira per España qu’entamó’l Muséu Nacional del Prau, presentar por primer vegada na so casa natal la semeya pintada por Goya de Xovellanos como ministru de Gracia y Xusticia. Agora torna a les dependencies dedicaes al ilustráu la primer semeya que-y pinta el so amigu Francisco de Goya, el mesmu que presidió la estancia principal de la casa hasta mediaos del sieglu pasáu. Una semeya temprana, que nos amuesa a un Xovellanos inda nuevu col arenal de San Llorienzo al fondu, que’l so encargu tuvo motiváu pola elevación de Xovellanos al Conseyu de les Ordes Militares na primavera de 1780 y ye el testimoniu más antiguu de l’amistá que xunió a estos dos grandes figures de la hestoria.

Plataforma Xovellanos virtual
6 d’agostu

En collaboración col Institutu Feijoo d’Estudios del sieglu XVIII de la Universidá d’Uviéu preséntase esta ferramienta dixital que tien por oxetivu final unificar la obra esvalixada de Gaspar Melchor de Xovellanos y poner a disposición del usuariu’l fondu documental dixital de Xovellanos, manuscritos y primeres ediciones, asina com la edición crítica de les Obres Completes (IFESXVIII-Ayto. Xixón, tomos I-XIV) y la versión virtual de la esposición conmemorativa La lluz de Xovellanos (Xixón, 2011).

 Conferencia
16 de setiembre

Javier González Santos, profesor d’Hestoria del Arte de la Universidá d’Uviéu.
La figura y el llugar: Xovellanos y el Muséu Casa Natal.

Conferencia
23 de setiembre

Elena de Lorenzo, profesora de Filoloxía Española de la Universidá d’Uviéu y directora
del Institutu Feijoo d’Estudios del sieglu XVIII. Los manuscritos de Xovellanos.

Conferencia
30 de setiembre

Joaquín Álvarez Barrientos, investigador del CSIC y presidente de la Sociedá Española d’Estudios del sieglu XVIII. La vida interior. Xovellanos nel so gabinete.

Llueu
Visites, itinerarios urbanos y talleres infantiles de branu.

  Categories: