Portada Fiestes El Muséu d’Hestoria Urbana d’Avilés amplía sos horarios en Selmana Santa

El Muséu d’Hestoria Urbana d’Avilés amplía sos horarios en Selmana Santa

by redacción asturnews

El Muséu d’Hestoria Urbana d’Avilés (MHUA) amplía los sos horarios mientres la Selmana Santa, coles mires de facilitar les visites tantu a la so esposición permanente como a amosar “Concursu de cartelos y fotografíes del 8-M”, que va ser desmontada’l martes 6 d’abril.

Ente’l xueves 1 y el domingu 4 d’abril, l’equipamientu museísticu de la ciudá va abrir de 11 a 13:30 y de 16 a 20 hores,  ente que’l llunes 5 va facer nel horariu habitual de domingos y festivos: de 11 a 13:30 hores.

La esposición “Concursu de cartelos y fotografíes del 8-M” recueye los 14 cartelos y 20 fotografíes (9 en blancu y negru y 11 en color) que participaron na última edición del concursu, convocada en septiembre del añu pasáu.

Ente les obres espuestes tán les trés ganadores. Na modalidá de cartelu la premiada ye María Ruisanchez Ortega con “El mundu ye nuesu”, imaxe de los actos del 8 de marzu del Conceyu d’Avilés d’anguaño. La fotografía en color ganadora ye “Tradición rural en femenín” d’Andrea Menéndez Menéndez y na categoría de fotografía en blancu y negru el primer puestu llevar Esperanza A. Llabrador Rodríguez con “Memoria Viva”.

Pela so parte, el Centru d’Interpretación del Campusantu de La Carriona (CICLAC) va abrir mientres tolos díes festivos d’esta Selmana Santa nel so horariu habitual: de 11:00 a 13:00 hores.

Tamién te podria gustar