El Muséu del Ferrocarril celebra’l Día Internacional del Modelismu ferroviariu

El Muséu del Ferrocarril celebra’l Día Internacional del Modelismu ferroviariu
01 avientu 08:59 2015 Imprimir

El Muséu de Ferrocarril d’Asturies va sumase a esta idea cola realización de diverses actividaes la tarde del miércoles día 2 d’avientu y la mañana del sábadu 5 d’avientu.

Demientres esos díes van llevar a cabo circulaciones especiales na maqueta con composiciones realistes que van reproducir trenes de los ferrocarriles españoles.

L’especialista alemán en ferrocarriles, Hagen von Ortloff (presentador de la serie televisiva de la cadena SWR “Eisenbahn-Romantik“ ) desenvolvió la idea de consagrar un día al añu al modelismu ferroviariu.

N’estrecha collaboración col BDEF (Asociación federal alemana d’amigos del ferrocarril), y el MOROP (unión europea de modelismu ferroviariu y d’amigos del ferrocarril, qu’ente otres acciones promocionales crea les Normes europees de modelismu) proclamaron oficialmente un día nel calendariu como “Día internacional del Modelismu ferroviariu“ y escoyóse como fecha oficial el 2 d’avientu. El propósitu d’esti día ye recordar a la xente que’l modelismu ferroviariu ta bien vivu.

 

  Categories:
Loading Facebook Comments ...