El Muséu de la Hestoria Urbana d’Avilés incorpora’l catálogu del de Ciencies Naturales Graíño

El Muséu de la Hestoria Urbana d’Avilés incorpora’l catálogu del de Ciencies Naturales Graíño
27 setiembre 08:30 2017 Imprimir

La concejala de Cultura, Yolanda Alonso, asistió esti martes 26 de setiembre al actu de donación per parte de Castu Fernández Ovies d’un exemplar del catálogu del Muséu de Ciencies Naturales Graíño al Muséu de la Hestoria Urbana d’Avilés (MHUA). Foi’l primeru d’Avilés (inauguráu 1944) y ye unu de los más antiguos d’Asturies.

El catálogu que va pasar a formar parte de los fondos de la colección permanente del MHUA ye unu de los exemplares que s’editaron por cuenta de la inauguración del Muséu de Ciencies Naturales Graíño, el primer muséu d’Avilés, el 15 de xunetu de 1944. El muséu taba allugáu nun xalé de l’Avenida de Fernández Balsera y el so ceador, Celestino Graíño Cors, yera miembru de la destacada familia nel ámbitu científicu que dende fai casi 125 años rexenta la conocida farmacia y llaboratoriu de la cai de la Muralla.

Nel Muséus recoyíase la colección que Celestino Graíño Caubet, fináu un añu antes d’esta apertura y padre del citáu Graíño Cors, formara a lo llargo de toa una vida dedicada a la investigación científica. Ente los sos munchos trabayos publicaos puede citase la primer catalogación d’aves d’Asturies. Formaben parte d’esi muséu unos 550 exemplares d’aves, 150 mamíferos, un millar d’insectos y 50 reptiles. Munchos yeren exemplares raros y otros con dalguna malformación.

Mientres años, hasta’l so zarru en 1965, foi tou un referente nel mundu científicu asturianu. Munchos d’esos fondos perdiéronse, otros pasaron a la Universidá d’Uviéu y dalgunos otros permanecen en propiedá de la familia Graíño. Por cuenta de esta inauguración editó un catálogu del muséu, realizáu por  R. Foch, profesor d’Hestoria de la Farmacia de la Universidá de Madrid.

El propietariu del exemplar donáu al Muséu de la Hestoria Urbana d’Avilés ye Castu Lorenzo Fernández Ovies, biólogu y profesor xubiláu d’enseñanza secundaria qu’impartió la docencia, ente otros, nel Institutu Carreño Miranda.

  Categories: