Portada Conceyos El Muséu d’Avilés y otros centros recuperen sos horarios habituales

El Muséu d’Avilés y otros centros recuperen sos horarios habituales

by redacción asturnews

El Muséu d’Avilés y el Centru d’Interpretación de La Carriona son dos de los centros del conmceyu qu’esta selamana recuperen dafechu los sos horarios habituales, nun procesu de normalización postconfinamientu que va siguir a lo llargo los próximos díes.

Col llevantamientu del Estáu d’Alarma y la vuelta progresiva a la normalidá los museos municipales recuperen los sos horarios habituales n’Avilés. Asina, esta  fin de selmana’l Muséu d’Hestoria Urbana d’Avilés (MHUA) y el Centru d’Interpretación del Campusantu de La Carriona (CICLAC) yá volverán tar abiertos sábadu y domingu y nes hores que yeren  habituales primero que se desamarrara la pandemia del Covid. Hai que recordar que col confinamientu los museos tuvieron zarraos y cola desescalada progresiva solo abríen de llunes a vienres. Los llunes vuelven ser los díes de zarru nel MHUA por descansu del personal.

El Muséu d’Hestoria Urbana d’Avilés va abrir de martes a sábadu mañana y tarde, y los domingos y festivos pela mañana. El Centru del Campusantu de La Carriona abre de llunes a vienres mañana y tarde y sábados, domingos y festivos peles mañanes

Por tanto los horarios van quedar de la siguiente manera:

Muséu d’Hestoria Urbana d’Avilés (MHUA)

— Martes a vienres llaborables: 10:30 a 13:30 y 16:00 a 20:00 hores
— Sábados llaborables: 11:00 a 13:30 y 16:00 a 20:00 hores
— Domingos y festivos: 11:00 a 13.30 hores

Centru d’Interpretación del Campusantu de La Carriona (CICLAC)

— Llunes a vienres llaborables: 10:00 a 13:00 y 16:00 a 18:00 hores.
— Sábados, domingos y festivos: 11:00 a 13:00 hores.

Les visites tendrán de realizase con mázcaru y calteniendo les distancies marcaes na normativa vixente. La entrada, nel casu del muséu, va realizase pola cai de La Ferrería y la salida pola plaza de Campusagráu. Nel MHUA caltiense la esposición La pegatina: un preséu de propaganda feminista, amuesa producida pola Fundación José Barreiro ya inaugurada a empiezos de marzu, ye xuna hestoria de los cambeos social y cultural de les últimes décades al traviés de la pegatina. La Comisaria de la Esposición ye Carmen Suárez, conseyera d’Educación.  L’amuesa atopar nos sos últimos díes d’exhibición nel muséu. Concretamente va ser hasta’l 5 de xunetu.

A la colección permanente del Muséu y na segunda planta (“La villa Moderna”) incorporóse la maqueta del primer asentamientu en San Agustín de la Florida, fundáu por Pedro Menéndez. Precisamente vien de l’amuesa “El Señor del Mar”, qu’amosada na Casa de Cultura foi xuna de les actividaes que conmemoraron el quintu centenariu de la so nacencia. Pasa a formar parte de la colección permanente y el so autor ye’l maquetista pacense Máximu Agudu Mangues.

Tamién te podria gustar