El Muséu d’Avilés entama 6 talleres infantiles pa neños y neñes d’ente 4 y 12 años

El Muséu d’Avilés entama 6 talleres infantiles pa neños y neñes d’ente 4 y 12 años
05 xunetu 10:30 2017 Imprimir

Por cuenta de les vacaciones braniegues y talamente que n’años anteriores, el Muséu de la Hestoria Urbana d’Avilés (MHUA) entama “Vacaciones nel muséu”, una serie de talleres empobinaos a neños y neñes ente 4 y 12 años qu’entamen esti xueves 6 de xunetu.

Tratase d’una forma orixinal y risondera de conocer la hestoria y patrimoniu de la ciudá al traviés del xuegu y les actividaes plásticu y artísticu. Son trés talleres distintos que pasu ente pasu traten de recrear la hestoria avilesina dende los primeros oríxenes romanos hasta l’actualidá.

Los talleres que van desenvolvese dende güei hasta’l 24 d’agostu son los siguientes:

“De Abilius al Medievu”: 6 de xunetu y 10 d’agostu. Con actividaes rellacionaes cola Hestoria Antiguo y Medieval.
“Ente monstruos y palmeres”: 13 de xunetu y 17 d’agostu. Una forma d’amosar figures como Carreño Miranda o la rellumanza d’un Avilés d’influencia cubana y finalmente
“L’Avilés del futuru”: 20 de xunetu y 24 d’agostu. Con elementos como Ensidesa o’l Niemeyer.

Los conteníos, feches y demás condiciones son les siguientes:

Feches: 6, 13 y 20 de xunetu. 10, 17 y 24 d’agostu Horariu: 10.30 a 13:00 hores
Neños y neñes ente 4 y 12 años.
Númberu máximu de places disponibles: 20
Inscripción: presencialmente nel Muséu de la Hestoria Urbana (Ferrería, 35), nel teléfonu 985 56 55 12 y en museodeavilesayto-aviles.es

Tratase d’una actividá gratuita qu’ufierta, amás, la posibilidá de que los familiares de les neñes y neños puedan realizar una visita empuesta al muséu mientres se desenvuelven los talleres.

  Categories: