Portada Cine El ministru de Cultura comprometese cola llucha contra la piratería

El ministru de Cultura comprometese cola llucha contra la piratería

by asturnet

El Ministru de Cultura aconceyó coles axencies de derechos d’autor y prometió-yos que la llucha contra la piratería va ser una de les sos esmoliciones cimeres.

Nueves meses dempués qu’entrara a valir la reforma de la Llei de Propiedá Intelectual, de les 19 denuncies presentaes  solo s’entamó un espediente y se dictó un resolvimientu. Y esa yera una esmolición importante de los representantes de les axencies de derechos que intentó contestar Íñigo Méndez de Vigo, el ministru d’Educación, Cultura y Deporte, prometiendo poner tol so enfotu nesa llucha, na xunta sostenida esti miércoles na see ministerial.

Van nueve meses, dende’l 1 de xineru qu’entró a valir la reforma de la Llei de Propiedá Intelectual y los resultaos son bien murnios. Bastantes sectores de la industria cultural saludáronlo con alegranza. Agora la Comisión de Propiedá Intelectual (CPI), podía non solo aceptar denuncies contra web pirates, sinón tamién contra páxines d’enllaces, que sirven como ponte al internauta p’atopar eses webs pirates.

Nueves meses dempués, de les 19 denuncies presentaes (que podríen afectar a casi 30.000 obres), solo empecipió un espediente y se dictó un resolvimientu, la que cerró The Pirate Bay, una plataforma que volvió apaecer con otros nomes. Según el Ministeriu, hubo tres resoluciones definitives más.

El sector español de la cultura, arrexuntáu en La Coalición de Ceadores formada por delles entidaes de xestión de derechos intelectuales, les grandes productores de cine y de música, les empreses de videoxuegos y la Sociedá d’Artistes Intérpretes Executantes, avisó en xunetu al nuevu ministru d’Educación, Cultura y Deporte, Íñigo Méndez de Vigo que la situación tenía de camudar. Según les sos cifres hai 4.316 millones d’accesos illegales, 1.700 millones d’euros d’arriquecimientu cesante al añu pal sector, 628 millones d’euros que nun ingresa l’Estáu, y 30.000 empleos perdíos.

Dende’l ministeriu, nun comunicáu, aseguren que “amás de remarcar los trés cambeos lexislativos que refuercen la llucha contra la piratería n’Internet –Llei d’Enxuiciamientu Civil, Llei de Propiedá Intelectual y Códigu Penal-, Méndez de Vigo señaló que la Sección Segunda de la Comisión de Propiedá Intelectual ta dando resultaos na llucha contra la piratería, magar se trata d’una lacra qu’ente toos tenemos de tratar de erradicar”.

Tamién te podria gustar