El ministru de Cultura camuda les sos declaraciones n’oyendo a Trueba

El ministru de Cultura camuda les sos declaraciones n’oyendo a Trueba
21 setiembre 19:51 2015 Imprimir

El ministru de Cultura, Íñigo Méndez de Vigo, camudó, sobre la marcha y sigún se supo esti día, el discursu que llevaba preparáu pa la entrega del Premiu Nacional de Cinematografía qu’apurrió ayeri en San Sebastián pa contestar a les polémiques palabres del galardonáu, Fernando Trueba, qu’acababa d’afirmar que nun se sintió español “nin cinco minutos” de la so vida.

Méndez de Vigo llevaba preparáu un emponderador discursu nel que, al traviés de los seis lletres del apellíu Trueba, glosaba la carrera y los ésitos cinematográficos del oscarizado director de cine. Y tres la entrega del diploma acreditativu del premiu produció’l polémicu discursu de Fernando Trueba que’l ministru escuchó con cara bien seria.

El ministru decidió nun incluyir nin una sola llínea de les palabres que llevaba escrites y faló del gran momentu que vive’l cine español y de la guerra a la piratería, pa ganase los aplausos del públicu asistente, que taba formáu mayoritariamente pol mundu del cine español.

  Categories:
Loading Facebook Comments ...