Educación El Ministeriu d’Educación crea una comisión de trabayu pa la COVID-19 by redacción asturnews 7 d'agostu, 2020 written by redacción asturnews 7 d'agostu, 2020 1,3K El Ministeriu d’Educación y Formación Profesional creó la Comisión de Trabayu para’l siguimientu de la COVID-19 nel ámbitu de la educación non universitaria y de la formación profesional. Según publicó esti miércoles el Boletín Oficial del Estáu (BOE), la Comisión de Trabayu va caltener el so funcionamientu «mientres duren los efectos derivaos de la pandemia de la COVID-19». El departamentu que dirixe Isabel Celaá considera «necesario» constituyir esti grupu de trabayu, que dexe, en coordinación coles autoridaes sanitaries, analizar y evaluar la evolución y l’impactu de la pandemia, y que a partir d’esti siguimientu la información llograda sirva para faer los encamientos y, nel so casu, adoptar les decisiones necesaries en respuesta a les situaciones que se produzan. D’esta miente, la Comisión va tener ente les sos funciones la de favorecer l’intercambiu d’información ente’l ministeriu y el restu d’Alministraciones educatives; establecer calces d’intercambiu d’información y propuestes col Ministeriu de Sanidá; ya identificar necesidaes que pudieren aconseyar cambeos na normativa o na xestión de los recursos. Identificar les desigualdaes nel accesu a la educación amontaes pola interrupción o amenorgamientu d’actividaes lectives, con cuenta de promover acciones destinaes a compensales; y analizar y proponer les midíes necesaries pal bon desenvolvimientu de l’actividá educativa nel ámbitu de xestión del Ministeriu d’Educación van ser otres de les sos funciones. Coles mesmes, va controlar el desenvolvimientu de les actividaes nel ámbitu de xestión del Ministeriu d’Educación; va favorecer la relación coles conseyeríes responsables de salú pública en Ceuta y Melilla; y va collaborar na evaluación de les distintes actuaciones. 0 FacebookTwitterPinterestEmail Anterior Entamaron les visites nocherniegues al Muséu de la Ciudadela de Celestino Solar siguiente Nuevu conveniu de collaboración de Xixón y la Unión de Comerciantes pa reactivar el comerciu local Tamién te podria gustar Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes L’ALLA abre’l plazu pa los cursos de la... “Misteriu nel Soterrañu” algama’l premiu Alfonso Iglesias de... Tapia acueye la presentación del II Premiu «Quiastolita»... El Principáu y la UOC firmen un conveniu... Asturies destaca en comprensión llectora L’IES Real Institutu Xovellanos entama sos primeres Xornaes... Xornada Evaluación de programes educativos Entamen los talleres ‘Enfoca la to vida’ n’Avilés...