El miércoles entama l’Antroxu d’Avilés en Llaranes

La concejala de Festexos d’Avilés, Ana Hevia, visitó esti xueves los Talleres del Descensu, onde peñes y grupos constrúin los artiluxos que van participar nel XXXI Descensu Internacional de la cai Galiana que se celebra’l sábadu 10 de febreru.

El Antroxu d’Avilés entama’l próximu miércoles a les 19 hores con un completu programa d’actividaes en Llaranes. El Antroxu cunta anguaño con 7 concursos, dos conciertos, trés verbenas, l’animación de 8 charangues y el festival de música electrónica, ente otres actividaes y actuaciones que van vistir de fiesta la ciudá. Esti añu sedrán una veintena los artiluxos inscritos nel Descensu.

Llaranes conmemora qu’hai 30 años los miembros de la Confrería de la Sardina de la Sardina fueron los Reis del Goxu y la Faba. Con esta celebración como centru de la programación, el miércoles a partir de les 19.00 hores va tener llugar el tradicional desfile de mazcaritos, moxigangues y fanfarries qu’arrincara de la cai Martinete y va llegar hasta la Plaza Mayor.

Darréu va faese la entrega de les Sardines Naturales y el Sardinu Mayor de la Confrería de la Sardina va pronunciar el sermón de la “tercer escama”. Más tarde toles persones qu’asina lo deseyen van poder esfrutar d’una garbanzada con dureces. La nota musical de la xornada va correr al cargu de les fanfarries El Felechu y Menudos Notes y, pa cerrar el día, l’actuación de la Orquesta Costa Norte. Como alcordanza de les postreres trés décades de Antroxu nel barriu, el llunes día 5 inaugúrase la esposición fotográfica “30 años d’Antroxu dende la Confrería de la Sardina de la Sardina que va tar abierta al públicu nel Centru Sociocultural de Llaranes.

El mesmu día de la inauguración el presidente de la Confrería de la Sardina de la Sardina va ufiertar xuna charra na que va falar de la trayectoria de la organización y de la tradición del antroxu nestos 30 años.

Nesta edición de Antroxu van partise un total de 19.870 euros en premios correspondientes a siete concursos. Amás de los Reis del Goxu y la Faba, qu’anguaño son “La Lliga de la Xusticia” y van ser coronaos el vienres día 9, queden por fallar el XXXI Descensu de Galiana, el Festival de Murgues, Charangues y Fanfarries, la XXXVII Ginkana Automovilística, el XXXVII Gran Desfile, el XXVIII Concursu de Chigres Antroxaos y l’II Concursu de Mascotes Antroxaes.

El Antroxu d’Avilés ye Fiesta d’Interés Turísticu Rexonal.

Ver el programa