El Mercáu Medieval vuelve al cascu históricu d’Avilés

El Mercáu Medieval vuelve al cascu históricu d’Avilés con más de 100 puestos, animación y actividaes infantiles, amás d’un completu programa d’animación con 6 compañíes que van representar 27 espectáculos distintos. 

El Mercáu Medieval vuelve convidar un añu más a la ciudadanía avilesina a recular nel tiempu para habitar, mientres cuatro díes, na villa medieval que foi Avilés. Nel marcu del programa de fiestes de la Selmana Grande de San Agustín, va enllenar de colores, banderes, escudos heráldicos ya imaxes del medievu les cais y places del cascu históricu.

Nesta ocasión, el Mercáu Medieval va cuntar con un día d’apertura más que na edición anterior, pasando de trés a cuatro díes. Va Ocupar les places d’Alfonso VI, Camposagrado y Carlos Llobu y les cais Xovellanos, Los Alfolíes, La Ferrería, La Fruta y Les Nales. Seis compañíes van desenvolver 27 espectáculos d’animación caleyera nos que van tar presentes les acrobacies, la comedia, la mitoloxía, les referencies históriques, el teatru o la música, ente otros munchos componentes. Amplia ufierta d’actividaes, talleres y atracciones infantiles tolos díes de 11 a 14 hores y de 17 a 21 hores

Van instalase más d’un centenar de puestos d’artesanía, alimentación y restauración, que xunto con talleres d’oficios, atracciones y xuegos infantiles componen la ufierta del mercáu que va tener llugar ente’l 25 y el 28 d’agostu n’horariu de 11 de la mañana a medianueche.

Más información