El Mercáu de Porrúa brilló otru añu

El Mercáu Tradicional de Porrúa llevaba esta fin de selmana al públicu hasta esti llugar de Llanes, pa celebrar el primer Mercáu turísticu que se ficiere n’Asturies y que se convirtiere en modelu imitáu per tol país. El Llacín, Filandón y delles otres agrupaciones dieron el tradicional color etnográficu a la folixa.

El Mercáu más antiguu d’Asturies ye’l que se celebra na localidá llanisca de Porrúa y como tolos años pesllaba esti agostu festivu d’esi conceyu con un bon programa d’actividaes, por muncho qu’entá quede otra fin de selmana del mes.

Porrúa bien brillando dende va dellos años con una programación d’actuaciones centrada na música tradicional, cola banda de gaites Llacín como animador principal, xunta a agrupaciones folklóriques como Filandón, d’esti Mercáu nel que nun faltaba artesanía, ecoloxía, mitoloxía y cultura tradicional de toa mena.

Asturnews recoyó una pequeña amuesa fotográfica de les actividaes d’esti Mercáu