El Mercáu de ganáu de L´Ascensión torna a Uviéu

La feria ganadera de L´Ascensión torna esta fin de selmana a Uviñeu y va incluyir un photocall realizáu con traxes d’asturianu y asturiana; la repartida de dípticos pa neños y families y tamién de flores” nes qu’apaez el nome d’una de “les paisanes del añu o de muyeres del campu asturiano, n’homenaxe a la so imprescindible figura na nuesa hestoria”.

El Mercau Ástur volverá instalase na plaza de la Catedral y en Porlier y va permanecer abiertu hasta’l domingu, día 8. L’amuesa va incluyir talleres artesanos, mercadín tradicional, degustaciones, vienta de productos, atracciones pa los más pequenos y paseos en pollín. Consuelo Río, so responsable, aseguró que nél van participar “70 artesanos y 30 responsables de puestos d’alimentación, amás de grupos y atracciones y d’animales, como los pollinos, nos que los más pequenos van poder pasiar”.

El folclore va ser el protagonista’l sábadu, día 7, cola actuación d’un total de 26 formaciones musicales procedentes de toa Asturies y tamién de Santiago de Compostela, ciudá hermanada con Uviéu. Les bandes de gaites y grupos de baille van actuar, n’horariu de mañana, poles principales cais y places de la ciudá y, darréu, a partir de les 18. 00 hores, van participar nun Desfile que, debíu a la quema de Uría 58 modificó’l so itinerariu. La comitiva, indicó’l presidente de la SOF, “va salir de Plaza d’América y va escurrir per Avenida de Galicia, Cervantes, Gil de Jaz, un tramu de Uría, Pozos, San Francisco y Escandalera”.

Y l’Auditoriu volverá acoyer, el domingu, a les 13.00 hores, l’Homenaxe al Paisanu y la Paisana del añu, col que’l Conceyu d’Uviéu, en collaboración cola Fundación Caxa Rural d’Asturies reconoz la entrega de dos de los ganaderos y llabradores más veteranos de la rexón. El representante de la entidá, Javier Nievas calificó d’un aciertu “el fechu de que la Feria de ganáu vuelva al conceyu”.