ConceyosFiestes El Mercáu Artesanu de Navidá d’Avilés va allugase na pista de La Esposición by redacción asturnews 28 de payares, 2022 written by redacción asturnews 28 de payares, 2022 2,5K El tradicional Mercáu Artesanu de Navidá d’Avilés va celebrase dende’l 15 d’avientu al 6 de xineru y va allugase na Pista de la Esposición de Les Meanes, un espaciu aparente para l’animación y dinamización de l’actividá comercial avilesina al empar que se contribúi al impulsu y promoción de los productos artesanos. El so horariu va ser de 11:30 a 21:00 hores. A cargu del Conceyu van instalase 20 casetes de madera de 3 metros d’anchu por 2 metros de fondu con amosador mesa autoportante, cuadru eléctricu y llume y rótulu con nome para cada puestu. Los artesanos y artesanes namá van pagar les tases de suelu públicu una y bones los suministros eléctricos tamién cuerren a cargu del presupuestu municipal. El plazu presentación de solicitúes va tar abiertu hasta mañana 29 de payares. Les bases pueden consultase nel portal municipal del Conceyu d’Avilés www.aviles.es. Los productos oxetu de vienta van ser toos aquellos realizaos por aciu procesos artesanales, na so totalidá o parcialmente: plata, ornatu de pequenu volume, marroquinería, cerámica, xoyería, madera, metal, piedra, vidriu, bixutería, cuadros, llenzos o litografíes, xuguetes infantiles de tipu artesanal, según productos típicos de Navidá. Va Tar dexada la vienta de productos alimentarios típicos navidiegos envasados, tales como mazapanes, polvorones, turrones, mantecados, etc. Más información 0 FacebookTwitterPinterestEmail Anterior Ábrese’l plazu d’inscripción del programa Primera Esperiencia Profesional en Xixón siguiente La canal de YouTube Crónicas d’Asturies convoca un concursu microrellatos Tamién te podria gustar Iniciativa pol Asturianu y Barbón desixen a Adif... L’Atles llingüísticu del Navia-Eo ponse n’accesu llibre El Trasiegu Fest conclúi col envís de poner... El Trasiegu Fest va tener un mercáu con... Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes Barry B pieslla’l cartelu del Festival VESU San Xuan celebrase en toa Asturies con Xixón... Blanca Fernández foi la pregonera de la XXVII...