Portada Convocatories El martes 10 celébrase’l VI Día de les Ciencies Asturianes

El martes 10 celébrase’l VI Día de les Ciencies Asturianes

by redacción asturnews
Cartelu del VI Día de les Ciencies

Esti martes 10 de payares, la Conseyería d’Educación y Cultura celebra’l Día de les Ciences y failo con dos actos científico-divulgativos: un actu dirixíu a la comunidá escolar que vincula’l saber científicu cola metoroloxía y un actu pa un públicu adulto sobre’l paisaxe y el relieve n’Asturies.

A les 11 hores, nel Teatru de la Llaboral, David Arango, meteorólogu de la TPA, va tener un alcuentru col alumnáu d’Asturianu y de Gallego-Asturianu, mentes que pela tarde, a les 19:30 hores, na Facultá de Xeoloxía, el profesor Pedro Farias Arquer va impartir la conferencia “Xeoloxía: paisaxe y relieve n’Asturies”.

El profesoráu dispón de material pedagóxico pa tratar nes aules el tema de la meteoroloxía tanto pa Primaria como pa Secundaria y tanto n’asturianu como en gallego-asturianu. Pue descargase na web d’Educastur.

Tamién te podria gustar