Portada Sociedá El mapa de la llibertá nel mundu entama nos países nórdicos

El mapa de la llibertá nel mundu entama nos países nórdicos

by asturnet

Freedom House publicó’l so informe Llibertá nel Mundu 2021 y lo qu’amuesa nun camuda la perceición d’años p¡atrás: los países consideraos como más llibres fueron, por esti orde, Suecia, Noruega, Finlandia, Nueva Zelanda, Canadá y Uruguai.

Con esti informe de calter añal, la organización non gubernamental ufierta una clasificación de los países más y menos llibres del mundu. Según l’informe d’anguaño, 2020 foi’l 15º añu consecutivu d’amenorgamientu de la llibertá a nivel mundial. Ciudadanos de 73 países esperimentaron un deterioru de los sos derechos políticos y llibertaes civiles, ente que namá los de 28 esperimentaron meyores.

Esta clasificación de los países según el so grau de llibertá realizase en base a una puntuación amestada de derechos políticos y de llibertaes civiles, que determina la condición de llibre, parcialmente llibre o non llibre de cada país o territoriu. Freedom House determinó que, en 2020, el 39,5% de la población (83 de los 210 países y territorios evaluaos) yera llibre, el 30% (63 países y territorios) parcialmente llibre y el 30,5% (64 países y territorios) vivía ensin llibertá.

En 2020, según l’informe, los países consideraos como más llibres fueron, por esti orde, Suecia, Noruega, Finlandia, Nueva Zelanda, Canadá y Uruguai. A la fin de la llista figuren Corea del Norte, Turkmenistán, Eritrea, Sudán del Sur y Siria, que cierra la clasificación siendo’l país con menor llibertá del mundu.

Tamién te podria gustar