El mánager d’Oasis asegura que la banda nun va volver

Marcus Russell, mánager d’Oasis, dixo esti miércoles a Efe que la célebre banda británica, eslleida en 2009, nun volverá axuntar se. “Non, nun va asoceder”, contestó Russell a una entruga d’Efe sobre esa posible xunta tres un pase de prensa del documental Oasis: Supersonic en Santo Mónica (California).

“Nun esiste razón pa ello y naide dientro de la banda quier qu’asoceda. Nun creo qu’asoceda”, amestó. Oasis: Supersonic, dirixíu por Mat Whitecross, va permanecer na cartelera estadounidense demientres un solu día: el próximu 26 d’ochobre.

La obra, narrada polos mesmos hermanos Liam y Noel Gallagher n’entrevistes por separáu, cunta la meteórica ascensión y el caóticu reináu d’una de les bandes más famoses de los años 90, estandarte del “britpop” y autora d’himnos como Wonderwall, Don’t Look Back in Anger o Champagne Supernova. “Vila yá unes cuantes vegaes y paezme un gran documental”, sostuvo Russell, l’home siempres a la solombra del grupu. “Retrata esactamente la llocura d’aquellos años y recrea la dómina d’una manera tan auténtica que ye inevitable tener la sensación de tar alicar”, añedió.

Noel Gallagher, el principal compositor y guitarrista d’Oasis, abandonó’l grupu n’agostu de 2009 por cuenta de la so pésima relación col so hermanu Liam, vocalista de la banda. Tres esa decisión, Noel siguió la so carrera en solitariu con una banda a la que denominó Noel Gallagher’s High Flying Birds, ente que Liam Gallagher formó’l grupu Beady Eye, tamién extinto en 2014.

Los dos hermanos siguen ensin averar postures y lláncense insultos frecuentemente al traviés de los medios de comunicación. “¿Quién sabe si dalgún día esa relación va ameyorar? Nun lo sé, ta fora del mio control y del de too el mundu. La respuesta ta nellos mesmos”, aseveró Russell, emocionáu en contemplando les imaxes coles que cierra’l documental, les referentes a los dos conciertos al campu de Knebworth (Inglaterra), onde la banda axuntó en 1996 a más de 250.000 espectadores.

El documental cuenta con Asif Kapadia (“Amy”) como productor executivu, cargu que tamién ostenten los hermanos Gallagher.