El llingüista suecu Munthe recibe l’homenaxe del pueblu de Cangas

25 xunetu 04:40 2012 Imprimir

La Sociedá Canguesa d’Amantes del País “Tous pa Tous” colocó estos díes una placa d’homenaxe n’asturianu al llingüista suecu Åke W:son Munthe (1859-1933), que nel branu de 1886 visitó Cangas del Narcea y fizo un estudiu sobre l’asturianu de la zona.

Del so viaxe salió la so tesis doctoral, ‘Anotaciones de la fala popular nuna zona del occidente d’Asturies’, que lleó en 1887 na Universidá d’Upsala y foi espublizada esi mesmu añu. Cien años depués, en 1988, la Biblioteca de Filoloxía Asturiana de la Universidá d’Uviéu asoleyó la so torna al castellán.

Pero Munthe tamién asoleyó en 1888 y 1889 un estudiu tituláu ‘Poesía popular d’Asturies’, onde facía una esbilla y estudiu de cantares tradicionales recoyíos nesti conceyu del occidente asturianu.

Agora les casi de Cangas llucen la placa na so alcordanza y n’agradecimientu d’un pueblu al home qu’amó la fala de los cangueses.

  Categories:
Loading Facebook Comments ...