El llangreanu Pablo Antón Marín Estrada gana’l Xosefa de Xovellanos cola novela “Mientres cai la nueche”

18 09:59 2009 Imprimir

L’escritor, poeta y periodista Pablo Antón Marín Estrada ye’l ganador d’esti añu del Xosefa de Xovellanos de novela, depués de qu’un xuráu formáu por Miguel Rojo, Taresa Lorences y Miguel Barrero valorara como la meyor la so novela “Mientres cai la nueche”.

La novela ye una hestoria na que se mecen memoria hestórica con memoria personal alrodiu d’unos díes escuros del hibiernu de 1947 na cuenca del Nalón.

Nacíu en 1966 en Sama de Llangréu, Pablo Antón marín Estrada ye l’únicu autor asturianu ganador d’un premiu estatal de lliteratura, el premiu Abril, con una obra en llingua asturiana y tien abonda producción poética y narrativa.

Ye autor de volúmenes de poesía como “Blues del Llaberintu”(ALLA,1989), “Les hores”(Ámbitu, 1990), “Díes d´inocencia”(Trabe, 1992), “Un tiempu meyor”(Trabe,1996), “Otra edá”(Trabe,2000) y “Los baños del Tévere”(SPPA,2003).

Como narrador publicó la novela “La ciudá encarnada”(SPPA,1995), premiu Xosefa Xovellanos ex aequo; tamién los volúmenes de relatos: “Xente d´esti mundu y del otru”(Pexe, 1992), “Esa lluz que naide nun mata”(Trabe,1995) y “Nubes negres”(Trabe,1998).En 2000 algamó´l Premiu Abril cola novela “Los caminos ensin fin”(Ed.Asociaos-Pexe, 2000).

Ye autor tamién de dos breves volúmenes de diariu: “Agua que pasa”(Vtp,1995) y “Suma y sigue”(Vtp,1998).

  Categories:
Loading Facebook Comments ...