Portada Uncategorized El IX Desafíu BTT per Uviéu y Les Regueres sedrá’l 16 de xunu

El IX Desafíu BTT per Uviéu y Les Regueres sedrá’l 16 de xunu

by asturnet

El conceyal de Deportes, Fernando Villacampa, presentó esta selmana la IX Edición de Caballeru de la Reconquista, desafíu BTT, “un eventu deportivu asitiáu na ciudá qu’anguaño vien con munches novedaes, ente elles xuna collaboración bien interesante ente conceyos por eso tenemos equí a l’alcaldesa de les Regueras, Maribel Méndez”, indicó’l conceyal.

La rexidora de Les Regueres estimó la collaboración del Conceyu d’Uviéu y la del conceyal Villacampa “pola to collaboración, por escuchar esta propuesta. Gracies a eso’l nuesu conceyu incluyir nesta ruta turística deportiva, xuna prueba saludable y ecolóxica, de futuru”.

La prueba va incluyir dos desafíos, el Desafíu Power: 40 kilómetros de percorríu pa los nuevos bikers que quieran empecipiase nel mundu BTT y convertise nun auténticu caballeru , un percorríu con un nivel d’esixencia físicu de iniciación bien algamadiza pa tolos primerizos. La salida va ser el domingu 16 de xunu de 2019 a les 9:00h., dende’l Centru Ecuestre L’Asturcón y llegada al mesmu llugar.

El Desafíu Ultra, va ser de 70 kilómetros de percorríu, un retu eleváu pal participante, que va ver algamáu’l so oxetivu na llínea de meta, dempués d’una xornada de BTT inmeyorable pelos montes uvieinos. Va Ser el percorríu más duru y tarrecíu, con un total de 70 km y 2.400 metros de desnivel positivu, onde el corredores van tener que sacar lo meyor de sigo mesmos pa llegar a la fin, dempués d’una xubida mítica, como ye’l monte Naranco. La salida va ser el domingu 16 de xunu del 2019 a les 9:00 hores, dende’l Centru Ecuestre L’Asturcón y la llegada va ser al mesmu llugar.

Miguel Ángel Martínez, responsable marketing de Nissan Cyasa, aseguró que “repitimos per segundu añu nesta prueba, que yá tien xuna tradición y engabita perbién colos valores que queremos fomentar dende la nuesa marca. Tamos encantaos de collaborar”.

Alejandro Díaz, de Caxa Rural, estimó al conceyal y a l’alcaldesa de Les Regueres “el poder repitir un añu más” y Eduardo Suárez destacó que “creemos qu’esti nuevu xiru, con dos percorríos, va faer que la carrera sía muncho más ciclable”.

Tamién te podria gustar