El IV Xaréu d’Ochobre homenaxea en Cangues a Nuberu

18 ochobre 23:42 2007 Imprimir

Esti sábadu 20 d’ochobre entama a les siete la tarde’l IV Xaréu d’Ochobre que fai un homenaxe a Nuberu nel so trenta cumpleaños. L’homenaxe aniciase con un actu institucional en Cangues d’Arriba, nel Aula de la Monarquía Asturiana de Cangues d’Onís onde Benigno Delmiro Coto y Manuel Asur van historiar a esti grupu formáu por Chus Pedro y Manolo Peñayos y que xurdiera en L’Entregu a partir del coleutivu Camaretá.

Pela nueche, a les 21:00 hores, nuna carpa allugada na Plaza de la Casa Conceyu de Cangues, va entamar el conciertu d’homenaxe con Mala Reputación, que va tocar dellos temes con Corquiéu, Vaudí, cantante brasileñu que lleva tiempu n’Asturies, Tejedor, Ramón Prada, Carlos Martagón cola banda Merienda de Negros, Tomás y los Demás, Fernando Vidal y Carlos Blanco.

  Categories:
Loading Facebook Comments ...