Portada Cine El III Festival Internacional de Curtiumetraxes trai otra mirada

El III Festival Internacional de Curtiumetraxes trai otra mirada

by redacción asturnews

E lIII Festival Internacional de Curtiumetraxes “Con Otra Mirada” abrirase col primeru de los pases tantu en Sección Oficial como na acabante creada Sección Asturies. Cine d’altu nivel con trabayos que pasaron por festivales de too el mundu qu’aporta al Salón d’actos del CMI Atenéu Calzada y CMI El Llanu, esti vienres 13 y sábadu 14 a les 20 hores.

Tres les proyecciones y como ye seña del festival, el públicu va decidir colos sos votos los premios en dambes secciones. La entrega de premios va tener llugar el sábadu 14 na segunda xornada del festival, nel CMI El Llanu.

Per segundu añu con see nel Atenéu La Calzada, primer añu n’El Llanu, y en naciendo como sección paralela dientro del XVIII Certame Nacional de cortometraje Aula 18 (L’Entregu) y la gran acoyida de públicu que llogró nes sos proyecciones en Xixón (Centru de Cultura Antiguu Institutu) y Uviéu (Llata de Cinc), Con Otra Mirada adquier vida propia y pretende crear un eventu únicu na ciudá con mirada independiente sobro los distintos curtiumetraxes surdíos na escena nacional poniendo especial énfasis na so calidá.

Tamién te podria gustar