El III Conciertu d’Añu Nuevu d’Avilés inaugura’l centenariu del Palacio Valdés

El III Conciertu d’Añu Nuevu d’Avilés inaugura’l centenariu del Palacio Valdés
24 avientu 10:03 2019 Imprimir

El 1 de xineru a les 19 hores, el III Conciertu d’Añu Nuevu d’Avilés va inaugurar el centenariu del Teatru Palacio Valdés al ritmu d’obres maestres de la música. La Orquesta Sinfónica Ciudá d’Avilés axuntará pa la ocasión a 46 prestixosos músicos de toa Asturies, profesores del Conservatorio Julián Orbón y antiguos alumnos qu’integren orquestes de gran reputación nacionales ya internacionales.

El violonchelista Alexander Osokin, integrante de la Orquesta Moscow Virtuosi y antiguu profesor del conservatorio avilesín, va intervenir como solista inivitado y les localidaes tán escosaes.

El primer actu del centenariu del Teatru Palacio Valdés llega con unu de los eventos más queríos de la programación navidiega d’Avilés, el tercer Conciertu d’Añu Nuevu. Sobro l’escenariu van axuntar pa la ocasión 46 de los más prestixosos músicos d’Asturies en redol a la Orquesta Sinfónica Ciudá d’Avilés, que van interpretar conocíes melodíes d’obres maestres de la música en tardar del 1 de xineru, a les 19.00 hores. Un añu más, el conciertu cunta col patrociniu d’Asturiana de Cinc.

Dos llenos absolutos nes sos dos primeres ediciones respuenden por esti acontecimientu nacíu de la iniciativa de la conceyalía de Cultura d’Avilés y la inestimable collaboración del conservatorio Municipal Profesional Julián Orbón. Foi presentáu esta mañana por Yolanda Alonso, edil de Cultura y Festexos, ya Iván Cuervu, profesor del conservatorio, director musical del conciertu y quien va llevar la batuta de la orquesta.

Iván Cuervu va dirixir a un elencu conformáu por músicos profesionales d’Asturies, profesores del conservatorio Julán Orbón, y antiguos alumnos del mesmu qu’integren orquestes de gran reputación tanto n’España como internacionales. Acompañarálos el violonchelista rusu Alexander Osokin, que fuera profesor del conservatorio Julián Orbón y ye miembru de la prestixosa orquesta Moscow Virtuosi. Va Interpretar como solista la tema “Meditation from Thais”, de J. Massenet.

El programa inclúi melodíes perfectamente reconocibles por tol públicu. Un repertoriu con grandes obres maestres de la música mundial, y con un importante espaciu reserváu tantu pa la tradición vienesa como la española.

Programa

– El tambor de Granaderos, preludio. R. Chapí.
– Peer Gynt, suite nº1, E. Grieg.

La mañana
La muerte de Áase
La danza de Anitra
En la gruta del rey de la montaña

– Pizzicato-Polka, J. Strauss.
– Meditation from Thais, J. Massenet.
– La Revoltosa, preludio. R. Chapí.
– Danza del sable, A. Jachaturián.
– Bolero, M. Ravel.
– Danzón Nº2,  A. Márquez.
– La boda de Luis Alonso, G. Giménez.

  Categories: