Portada Gastronomía El II Salón Internacional de les Sidres de Gala yá tien web oficial

El II Salón Internacional de les Sidres de Gala yá tien web oficial

by asturnet

www.sidresgala.com, esa ye la direición de la páxina web oficial del II Salón Internacional de les Sidres de Gala, na que s’ufierta un averamientu a lo que sedrá esti importante eventu sidreru y que dirá actualizándose de contino, conforme vaigan produciéndose novedaes d’equí al 26 d’ochobre, fecha na qu’entama’l Salón.

La web ta tornada al castellán y al inglés y dirá meyorando tanto na so presentación como nos sos conterníos, pero agora mesmo yá ufierta lo más de la información alrodiu d’estes dos xornaes sidreres que se cellebrará el vienres 26 con una Cena Gala (50 €) y el sábadu 27 con una tastia abierta al públicu (5 €)

El II Salón Internacional de les Sidres de Gala ta entamáu pola revista La Sidra y la Fundación Asturies XXI, cuntando col sofitu de la Conseyería d’Agricultura y de Xixón Turismu

Tamién te podria gustar