El II Premiu y Festival “Nel Amaro” desenvuélvese esti mes nel Filarmónica

El II Premiu y Festival “Nel Amaro” desenvuélvese esti mes nel Filarmónica
31 ochobre 09:48 2018 Imprimir

El conceyal de Cultura, Roberto Sánchez Ramos esta selmana, en rueda de prensa, el II Premiu y Festival “Nel Amaro” en llingua asturiana y en gallego-asturianu, cuatro funciones, les finalistes, que se van representar los díes 2, 9, 16 y 23 de payares. La entrada ye llibre hasta completar l’aforu y toles funciones son a les 20 hores.

El conceyal, que tuvo acompañáu de Fernando Padilla, Director xeneral de Planificación Llingüística y Normalización del Principáu y José Antonio García, xefe de serviciu d’esti departamentu, aseguró que “Nel Amaro foi una persona bien reconocida na Transición política pol teatru y la Llingua asturiana. L’añu pasáu esti Premiu yá foi un gran ésitu”. Padilla estimó la collaboración de la Fundación Municipal de Cultura y del conceyal Sánchez Ramos y, n’asturianu, aseguró: “el teatru ye un elementu cultural bien importante para fortalecer la llingua asturiana, ye un axente normalizador”. Y de Nel Amaro destacó “el so papel como iniciador d’un teatru modernu y más formal”.

Asina, Padilla sorrayó que “el Premiu Nel Amaro vien pa consolidar la LLingua asturiana nel ámbitu del arte drámaticu. Ta dotáu con 6.000 euros nesta edición y estes cuatro representaciones, les finalistes de los nueve que se presentaron al galardón, podrán vese na Filarmónica”.

Los finalistes son:

Aire, de Producciones Nun Tris (2 de payares)
Hansel y Gretel, d´Hixénicu Papel Teatru (9 de payares)
Garráime, que lu mato o la lloca hestoria d´Asturies (16 de payares)
Esculpe, caballeru, de Zig Zag Danza (23 de payares)
El premiu apurrirase’l 13 d’avientu nun actu nel Paraninfu de la Universidá d’Uviéu.

  Categories: