Portada Conceyos El grupu de teatro “Rosario Trabanco” actúa en La Pola

El grupu de teatro “Rosario Trabanco” actúa en La Pola

by redacción asturnews

La compañía xixonesa “Rosario Trabanco” va presentar “Arsenio”, homenaxe al gran autor costumbrista Arsenio González. La cita va ser esti vienres 30 de setiembre, a les 20 hores, nel Teatru Auditoriu de La Pola Siero.

A lo postrero yá del final de la so vida, Arsenio González (popular actor y autor asturianu) repasa la so trayectoria vital y creativo al pie de la so muyer, Josefina, al empar que recuerda anécdotes de la so mocedá.

La obra, en clave d’humor, ta basada na so vida (al traviés de les sos notes y d’alcordances de los sos allegaos) y en delles de les obres curties d’Arsenio González, construyendo sobro esa base un homenaxe póstumu al autor, a la so vida y a la so obra.

– – – – –
Xéneru: Comedia
Autoría: José Ramón Oliva y Arsenio González
Dirección: José Ramón Oliva Elenco:
Lisardo Suárez, Elisa Álvarez, José Ramón Oliva, Beni Baquero, María Villa
Duración averada: 100 minutos

Tamién te podria gustar