Música El Grupu de Baille San Félix de Candás celebra’l II Alcuentru cola Cultura Tradicional by asturnet 9 d'agostu, 2006 written by asturnet 9 d'agostu, 2006 21 El Grupu de Baille San Felix de Candás va celebrar ente los prósimos díes 24 al 27 d’agostu, el II Alcuentru cola Cultura Tradicional na que la música va correr a cargu de grupos asturianos y húngaros. Como complementu d’estos Alcuentros asoleyase tamien el segundu númberu de la revista ‘El Cuirno’ que, con calter añal, compila artículos y escritos de toa mena que tean venceyaos cola tierra de Peñes. Nella participen, ente otros, autores como Xose Lluis García Arias, Aurelio G. Ovies, Alberto Álvarez Peña o Pedro Busto. El II Alcuentru cola Cultura Tradicional va empezar el xueves 24 a les diez de la nueche con un desfile de baille húngaru Zalagyöngye que va recorrer les cais candasines dende El Mueye hasta’l Teatru Prendes. El mesmu grupu, desfilará al día siguiente, a les ocho la tarde, acompañáu pol propiu Grupu de Baille San Felix de Candás. El sábadu 26 d’agostu, a les siete y media la tarde, La Baragaña va acoyer una ‘Xuntanza Traidicional’ ente estes dos formaciones y Blima, que va tar dedicada a la memoria d’Igor Medio y Carlos Redondo, músicos de Felpeyu fallecíos n’accidente de tráficu. Estos alcuentros van finar el domingu 27 a la una la tarde, cola actuación del grupu húngaru convidáu, Zalagyöngye. 0 FacebookTwitterPinterestEmail Anterior IAS denuncia que la TPA traduz dellos conteníos de la so programación al castellanu pa evitar la presencia del asturianu nes emisiones siguiente ‘Na boca de todos’ amuesa la poesía que s’escribe nel Occidente d’Asturies Tamién te podria gustar Semando Son amuesa’l nuevu folk asturiano El Trasiegu Fest va tener un mercáu con... Tatxers, Skabidean y la nueva escena musical Navarra... Algaire repite l’éxitu del 2022 en Lorient La Banda Gaites de Castrillón ufrió’l so repertoriu... Fitoria torna nueve años depués a brillar en... La Delegación asturiana en Lorient protagoniza la xornada... Jaime Álvarez gana’l 36 Troféu Mac Crimmon de... Entamó en Lorient el 52 Festival Interceltique 4200 firmes sofiten la música n’asturianu en XIxón