Música El grupu ayerán Tarañu saca a la cai el so primer discu by asturnet 30 de xunu, 2004 written by asturnet 30 de xunu, 2004 31 El panorama folk asturianu gana una nueva banda. Los seis integrantes del grupu ayerán Tarañu suben al tren de la música moza tradicional y saquen a la cai ‘Al xeitu de nenyuri’, el so primer discu, editáu pola casa L’Aguañaz y acabante grabar nos estudios Tutu de Corvera baxo la producción musical de Sergio Rodríguez. Según avanzó la propia discográfica, los exemplares finales del trabayu llegarán a Asturies nos prósimos díes y permitirán poner a la venta el discu -que fai el númberu 40 editáu por L’Aguañaz- al rodiu’l 12 de xunetu. ‘Al xeitu de nenyuri’ ta formáu por trece temes, de los que toos sacante tres son instrumentales y nos que la banda ayerana fai un repás de los sones tradicionales d’Asturies en clave de respetu a los esquemes y melodíes habituales nel folk. La composición propia marca bona parte de los temes, n’amiestu con pieces populares. La discográfica independiente L’Aguañaz, qu’en marzu pasáu cumplió once años de vida y promoción de la música fecha n’Asturies, saca al mercáu el primer cd de Tarañu pocos díes depués de presentar el tercer trabayu discográficu d’otru grupu patrocináu pola editora, Skanda, autodefiníu como banda de folk-fusión y abiertu a una bayurosa influyencia sonora que recueye elementos del rock, el pop y el funk. Nesti nuevu discu, tituláu ‘Sangre d’ochobre’, Skanda inclúi diez cortes nos que la voz va ganando presencia respecto a trabayos anteriores y que s’apoyen en collaboraciones d’altor como la del gaiteru irllandés John McSherry. 0 FacebookTwitterPinterestEmail Anterior La Fundación ‘Príncipe’ acumula un patrimoniu de 16 millones d’euros siguiente La fotógrafa y pintora Irma Álvarez Laviada revélase como ‘artista moza del añu’ n’Asturies Tamién te podria gustar Semando Son amuesa’l nuevu folk asturiano El Trasiegu Fest va tener un mercáu con... Tatxers, Skabidean y la nueva escena musical Navarra... Algaire repite l’éxitu del 2022 en Lorient La Banda Gaites de Castrillón ufrió’l so repertoriu... Fitoria torna nueve años depués a brillar en... La Delegación asturiana en Lorient protagoniza la xornada... Jaime Álvarez gana’l 36 Troféu Mac Crimmon de... Entamó en Lorient el 52 Festival Interceltique 4200 firmes sofiten la música n’asturianu en XIxón