El Gobiernu propón una hora más d’Educación Física a la selmana

El Gobiernu propón una hora más d’Educación Física a la selmana
09 mayu 15:09 2017 Imprimir

El secretariu d’Estáu d’Educación, Formación Profesional y Universidaes, Marcial Marín, propunxo güei a les comunidaes autónomes pasar de dos a tres hores selmanales les dedicaes a la Educación Física en Primaria.

Mientres la so comparecencia, a pidimientu propiu, na Comisión d’Educación pa esplicar l’estáu de la educación y adelantrar los pasos a siguir, anunció que nos próximos trés cursos van xorrecer de dos a tres hores selmanales (a lo llargo de tres díes) les dedicaes a Educación Física en Primaria en Ceuta y Melilla, ámbitu de competencia del so departamentu. Sicasí, confió en que se sumen a esta propuesta, qu’inclúi tamién clases de cuarenta y cinco minuto mientres cuatro díes, toles comunidaes autónomes.

La intención del departamentu que dirixe Íñigo Méndez de Vigo ye “estender más allá de Primaria” esti aumentu del tiempu dedicáu a la Educación Física y que s’enmarca dientro del plan de fomentu de los vezos saludables dende edaes tempranes, especificaron fontes d’Educación. Na actualidá, tán establecíes dos hores d’Educación Física en Primaria.

Amás, Marín recordó que dende’l próximu cursu va garantizase a los alumnos de Ceuta y Melilla (y tamién animen a les comunidaes autónomes a faelo) una hora diaria de llectura, amás de les dedicaes a ello nes distintes materies.

Per otru llau, Marín señaló que mientres trabaya na Cámara baxa la subcomisión pal pactu educativu -esperamos “con esperanza” l’informe que s’ellabore- hai que “siguir avanzando” y llograr “un marcu educativu con estabilidá, certidume y consensu”. Pa ello, Marcial Marín comentó que se trabaya p’ameyorar les resultancies educatives con un apueste por dignificar al profesoráu, preparar a los alumnos pa la so vida profesional y personal y trabayar coles families.

  Categories: