El Gobiernu llanza una campaña en redes de sofitu al cine español

El Gobiernu llanza una campaña en redes de sofitu al cine español
12 mayu 13:14 2020 Imprimir

El Ministeriu de Cultura y Deporte, al traviés del Institutu de la Cinematografía y les Artes Audiovisuales (ICAA) llanzó esta selmana pasada una campaña de sofitu al cine español énte la crisis del coronavirus col lema Con toes, con toos, con cine español.

Con esta iniciativa’l ICAA quier “señalar la variedá, diversidá y constante enerxía d’un cine español que siempres acompaña, especialmente nes condiciones d’aislamientu sanitariu, a tou tipu de públicos”, señala l’Institutu nun comunicáu.

Pa ello llanzaron cuatro vídeos promocionales, dos con una selección de películes destacaes de 2019, otru dedicáu a les empobinaes por muyeres y un postreru qu’inclúi los llargumetraxes de directores y directores noveles.

Los vídeos van publicase de forma gradiada a lo llargo de les próximes selmanes, acompañaos de les etiquetes #EnCasaConCineEspañol y #VolveremosalosCines, la primera pa fomentar que el espectadores sigan esfrutando del cine español en casa y la segunda de cara a que la meyora nel plan de desescalada del Gobiernu dexe la reapertura de les sales de cine.

Nos vídeos pueden vese fragmentos de más de 80 películes bine diverses, como Mientres dure la guerra, Libertéé, Padre nun hai más qu’ún, O qu’ambura, La fía d’un lladrón, Longa Noite, La trinchera infinita, El Fuexu, Klaus, etc. La música foi ufrida por Alberto Iglesias y Cristóbal Tapia de Veer, compositores de les bandes sonores de “Dolor y Gloria” y “Ventayes de viaxar en tren”, respectivamente.

  Categories: