El Gobiernu escaez l’asturianu de la web pa les eleiciones 2007

21 abril 23:21 2007 Imprimir

Por cenciello que resulte facer una versión n’asturianu de la web pola que se van poer seguir n’Asturies les eleiciones, el Gobiernu nun tuvo en cuenta la posibilidá y nun ufierta más que desplicaciones en castellán na páxina presentada esti día pola Conseyera de la Presidencia, María José Ramos. La web pue consultase na direición www.eleccionesasturias2007.es y trata de facilitar un mayor conocimientu del procesu electoral a tolos organismos, entidaes y ciudadanos en xeneral, menos a los que falen asturianu.

“Nuestro objetivo es que sea la principal herramienta para los comicios” afitó María José Ramos al desplica los principales contenidos de la web que ta compuesta de dos enlaces. Ún d’ellos va permitir entrar na web electoral, mentantu que l’otru refierse a los resultaos del escrutiniu, que como nos anteriores comicios, habilitarase’l 27 de mayo y va permitir consultar en tiempu real los resultaos de les eleiciones a la Xunta Xeneral.

  Categories:
Loading Facebook Comments ...