El fotógrafu venezolanu Ronaldo Schemidt gana’l World Press Photo 2018

17 abril 09:12 2018 Imprimir

El fotógrafu venezolanu Ronaldo Schemidt de la Agence France-Presse recibió’l premiu World Press Photo del Añu 2018 pola so imaxe d’un home envueltu en llapaes mientres una de les protestes que cutieron la ciudá de Caracas mientres una fola de manifestaciones contra’l Gobiernu de Nicolás Maduro que s’enllargó mientres meses en Caracas.

Los ganadores de los premios fueron anunciaos esti xueves pasáu nel ftival World Press Photo en Amsterdam. La presidenta del xuráu Madalena Herrera calificó l’atanante instantánea como “una semeya clásica” que lu provocó “una emoción instantánea”. La instantánea ganadora  recueye’l momentu nel que José Víctor Salazar, de 28 años, cuerre envueltu en llapaes al ser algamáu por un remexu de gasolina proveniente d’una moto de la Guardia Nacional Bolivariana, que foi prindada y amburada polos manifestantes con un cóctel molotov.

El mozu, convertíu n’una antorcha humana y afatiáu con una mázcara de gas, cuerre en busca d’ayuda p’apagar el fueu del so cuerpu. Mientres, no fondero de la imaxe apréciase, pintao na paré en color negru, un pequenu grafiti d’una pistola qu’apunta escontra la palabra “paz”. El mancáu acabó con quemadures de segundu grau.

En total, 4.548 fotógrafos de 125 países presentaron semeyes n’ocho categoríes.La fotografía de Schemidt impúsose a les otres cinco nomaes, que retrataben l’atentáu de Westminster, en Londres; una víctima del grupu terrorista Boko Haram, en Nixeria;  el drama de los refuxaos rohinyás, en Myanmar; y dos instantánees de la lliberación de Mosul del Estáu Islámicu per parte de les fuerces iraquines. Ronaldo Schemidt tamién consiguió’l galardón a la meyor “Fotografía d’actualidá”,  ente qu’otru venezolanu, Juan Barreto, alzarase col tercer premiu na categoría Histories d’actualidá.

  Categories: