Portada Plástiques El fotógrafu Ricky Dávila participa con una conferencia nos Alcuentros Fotográficos de Xixón

El fotógrafu Ricky Dávila participa con una conferencia nos Alcuentros Fotográficos de Xixón

by asturnet

El fotógrafu bilbaíno Ricky Dávila Wood va dar una charla nos Alcuentros fotográficos Xixón 2007 a les 20:00 hores nel centru municipal integráu de La Arena. Dávila, que trabaya anguaño como fotógrafu freelance fuí fotógrafu de plantilla nel diariu El Sol, y na Agencia Cover. Cunta con ballura de reconocimientos como’l premiu Fotogranprix del 93 , el II Premiu de reportaxe de World Press Photo del 94 o el Fotopres 95 poles sos semeyes d’Irlanda.

Ricky Dávila ye conocíu por participar n’amueses nacionales ya internacionales como’l primer Festival Internacional de Fotografía PHotoEspaña, con un trabayu sobre fiestes relixoses; la de Fotografía española contemporánea na Alcobendas; o la del City Museum de Sheffield. Tamien tien espuesto nel Museu Nacional Centru d’Arte Reina Sofía, na Bienal de Venecia y nel Metropolitan Museum of Manila, en Filipines.

Tamién te podria gustar