El #FormientuEnCasaFest amplía la so programación hasta mayu

El #FormientuEnCasaFest amplía la so programación superando’l mes d’actividá cultural ininterrumpida
El Festival con creación cultural en llingua asturiana ye’l más llargu de los celebraos nel estáu español nesti periodu de confinamientu.

La plataforma formientu.com, creada pola revista Formientu, revista que dende 2006 dando voz a escritores asturianos y asturianes, entamó un ciclu d’actos culturales el 18 de marzu y amplía la so programación per tercer vegada consecuBva hasta llegar hasta principios del mes de mayu.

L’ampliación, que los sos entamadores bautizaron como “tercer fola” del #FormientuEnCasaFest tien llugar non solo pola bona acoyida del públicu, sinón pola multitú de propuestes que lleguen a caldía a la organización del festival. Inaciu Galán y Diego Solís son los coordinadores d’esti festival.

“No que va de confinamientu nun hai precedentes d’un fesBval per streaming que tuviere una duración similar nel estáu español y menos nuna llingua minorizada”, esplica Diego Solís. Amás, esti festival faise de forma altruista per parte de los arBstas, como regalu a la sociedá y reivindicación a les alministraciones pa implicase nel sosBmientu del trabayu del colecBvu de creadores y de la ufierta cultural a la sociedá.

“Esto amuesa non solo la vitalidá de la creación n’asturianu sinon el compromisu de los mesmos pa cola sociedá asturiana nun de los momentos más complicaos de la nuesa historia reciente”, esplica Inaciu Galán.
La programación inclúi nesta tercer fola a escritores, músicos, artistes plásticos, críticos lliterarios, filólogos, docentes, cuentacuentos, comunicadores o actores, ente otros perfiles.

Ente los nomes, los músicos Rodrigo Cuevas, Rubén Bada o l’ex de Los Berrones, Tante Blanco, les escritores Pilar Sánchez Vicente y Solinca Turbón, los comunicadores María Luz Pontón y Pedro Durán, ente otros.
Nel fesBval hai espaciu vegada más pa los creadores culturales llioneses, cola presencia d’una charra sobre la creación cultural en llionés por Daniel Guerra. El fesBval pon atención tamién a la reciella, con trés sesiones de llectura y
cuentacuentos, con Maggy, Helena Trexu y Beatriz Rato Rionda, en dalgunos de los próximos sábados y domingos a les 12 la mañana.
Casu llamaBvu va ser la charra de Ma]hew Stuckwisch, profesor universitariu norteamericanu que deprendió va años asturianu y que falar de la so esperiencia cola lliteratura y la llingua asturiana dende los Estaos Xuníos.
El programa completu va desendolcase dende esti xueves 16 al Domingu 3 de mayu, con actos tolos díes.

• #FormientuEnCasaFest >>> 3era fola Programa:
• Xueves 16
  Solinca Turbón > Charra-recital: Dellos testos inéditos. Vienres 17
  Tante Blanco > Conciertín.
• Sábadu 18
  12:00. Helena Trexu > Llectura de “Mitoloxía asturiana pa la reciella”. 19:00. Rodrigo Cuevas > Alcuentru-entrevista col artista.
• Domingu 19
  12:00. Beatriz Rato Rionda > Cuentacuentos pa la reciella.
  19:00. Eva Cameán (Blogue Clarión) > Charra: Esperiencia d’una bloguera lliteraria y recomendaciones de llibros asturianos dende Galiza.
• Llunes 20
  Milio Ureta > Recital/Presentación > Poemes del Amor Simétricu. Martes 21
  Pilar Sánchez Vicente > Charra: Muyeres confinaes: del maltratu al sostén. Miércoles 22
  Vítor Suárez > Charra: Traduciendo a Clarín, esperiencia y dificultaes.
• Xueves 23
  Gonzalo Llamedo > Charra: Anovación educativa na universidá: dando blincos pola tresversalidá.
• Vienres 24
  Ástor Llaneza > Simbiosis: una hestoria de cooperación ente seres vivos
• Sábadu 25
  12:00. Maggy > Cuentacuentos pa la reciella.
  19:00. Marcos Salázar > Pica-pica de cultura asturiana.
• Domingu 26
• Pedro Durán > Charra: Presente y futuru del audiovisual n’asturianu. Llunes 27
  Aymara González > Tallerín: Traducción al asturianu: conceptos y entamos. Martes 28
  Claudia Lueje > Charra: Dir de monte ensin salir de casa. Miércoles 29
  Daniel Guerra > Charra: Producción cultural en llionés. Xueves 30
  Matthew Stuckwisch > Charra: Lliteratura y llingua asturiana dende los Estaos Xuníos. Vienres 1
  Rubén Bada > Conciertín Sábadu 2
  Mónica Jiménez > Charra: ¿Qué pintaben les muyeres asturianes? De lo llocal a lo global.
• Domingu 3
  María Luz Pontón > Charra: La tele de los escolinos, una esperiencia pionera de televisión n’asturianu.