ConceyosFiestes El Folclore na Cai despidió la so última edición na Plaza del Conceyu d’Uviéu by redacción asturnews 7 de payares, 2022 written by redacción asturnews 7 de payares, 2022 3,1K La plaza del Conceyu se convertió na tarde d’ayeri n’escenariu de la gran fiesta del folclore. A partir de les 13 hores, fuéronse dando’l testigu 10 grupos de baille y 4 de les 7 bandes de gaites que davezu participen nel programa Folclore na cai. Un programa “bien apreciáu por vecinos y turistes que yá constitúi una de les señes d’identidá de la nuesa ciudá”, según destacó l’alcalde, Alfredo Canteli, al entamu d’esta cita cola que s’escribe’l puntu y final a esta edición na que se recuperaron les actuaciones itinerantes pel centru de la ciudá tres les restricciones impuestes mientres la pandemia. La programación d’anguaño, celebrada mientres 7 meses mientres les fines de selmana y díes festivos d’abril a ochobre, foi protagonizada polos grupos de baille del Centru Asturianu d’Uviéu; Xuno de San Cloyo; La Xordia; Xeitu; Trasgu; Nocéu; La Hedra de San Esteban de les Cruces; La Inmaculada, Fitoria y Filandón y les bandes de gaites La Corredoria; Naranco; La Llaguna del Torollu, El Carbayón, Centru Asturianu d’Uviéu, Aceveu y Xácara. Los participantes nes actuaciones quixeron estimar, al traviés de la presentadora del actu, una de les integrantes de l’Asociación de baille y danza tradicional Filandón, Silvia Suárez, el sofitu del Conceyu d’Uviéu y en concretu de la concejala Cuadonga Díaz, pol so trabayu incansable por que pudieramos salir alantre inclusive nos momentos más duros”. Unes palabres que la conceyala estimó emocionada comprometiendose a siguir sofitando’l folclore independientemente de lo que-y depare’l futuru y les siguientes elecciones municipales. La gran fiesta del folclore remató con una gran actuación de toes los grupos de baille y bandes de gaites participantes. 0 FacebookTwitterPinterestEmail Anterior La espo ‘Lápiz, papel y bombes. 1936-1939’ abre hasta avientu en Xixón siguiente Entamen les XL Xornaes Internacionales d’Estudiu Tamién te podria gustar Iniciativa pol Asturianu y Barbón desixen a Adif... L’Atles llingüísticu del Navia-Eo ponse n’accesu llibre El Trasiegu Fest conclúi col envís de poner... El Trasiegu Fest va tener un mercáu con... Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes Barry B pieslla’l cartelu del Festival VESU San Xuan celebrase en toa Asturies con Xixón... Blanca Fernández foi la pregonera de la XXVII...