CineConceyos El FICX apuesta pol riesgu, la diversidá ya Iberoamérica by redacción asturnews 29 de setiembre, 2020 written by redacción asturnews 29 de setiembre, 2020 2,4K La edición 58 del Festival Internacional de Cine de Xixón (FICX), que se va celebrar ente’l 20 y el 28 de payares, consolida anguaño’l so apueste pol cine independiente, el descubrimientu de nueves autoríes, l’amuesa competitiva d’obres ensin distribución comercial y l’estrenu n’España de filmes d’una nueva xeneración de cineastes iberoamericanos. La imaxe gráfica d’esta edición del festival, desenvuelta pol diseñador xixonés Marcu Recuero, entiesta los principios programáticos del festival, llanzando «el dardu na mirada», femenina, punchante y diversa. Una imaxe colorida de lluces intenses, tan viva como’l cine independiente, Xixón y Asturies, xuna ciudá y xuna rexón qu’apuesten pola CulturaSegura. Una de les principales novedaes del Festival Internacional de Cine de Xixón ye que la sección oficial arrexunta les obres en trés categoríes: Retueyos, (biltos en llingua asturiana) que va presentar primeros, segundos o terceros llargumetraxes de mirada heterogénea y esploración formal; Albar, (madera noble y resistente en llingua asturiana) qu’acompaña nel so viaxe cinematográficu a quien contribuyeron a conformar la identidá del festival a lo llargo de los años; y Tierres en trance, que naz anguaño cola vocación de convertise en pantalla pa un cine iberoamericanu siempres comprometíu colos sos combates. Les trés secciones cunten cola mesma dotación económica y va otorgase un premiu de 10.000 euros a la obra ganadora de caúna, al tiempu que’l festival añede’l Premiu a la Distribución, con otros 3.000 euros pa la distribuidora qu’adquiera los derechos de la película qu’escueya’l xuráu. VER PRIMER ADELANTU DE PROGRAMACIÓN 0 FacebookTwitterPinterestEmail Anterior La Sinfónica de Sevilla crea una plataforma de vídeos baxu demanda siguiente Abrese’l ‘Call for papers’ del 45 Coloquiu Internacional de la AFEAF Tamién te podria gustar Iniciativa pol Asturianu y Barbón desixen a Adif... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes Barry B pieslla’l cartelu del Festival VESU San Xuan celebrase en toa Asturies con Xixón... Blanca Fernández foi la pregonera de la XXVII... L’ALLA abre’l plazu pa los cursos de la... La comedia “Guau” pieslla “escenAvilés” esti miércoles