El Festival Marítimu en Xixón va ser del 19 al 23 de setiembre

El Festival Marítimu en Xixón va ser del 19 al 23 de setiembre
29 agostu 10:38 2018 Imprimir

Xixón prepárase para vivir un eventu escepcional: el Festival Marítimu qu’axunta, per primer vegada nel so puertu, dos de los navíos más célebres de la hestoria d’España.

Retruques de la Nao Victoria y el Galeón Andalucía, dos de los más célebres navíos de la hestoria d’España, van poder visitase xuntos per primer vegada na ciudá. Va ser mientres los díes 19 al 23 de setiembre cuando la nao Victoria, retruque fiel del barcu que llogró realizar la primer vuelta al mundu con Magallanes y Elcano (1519- 1522) y el Galeón Andalucía, retruque de los llexendarios galeones españoles que mientres sieglos derrompieron l’Atlánticu y el Caribe, van tar atracaos xuntos nel Puertu d’El Musel, onde van poder ser visitaos pol públicu.

Una cita ensin precedentes na que podrá contemplase y xubir a les cubiertes d’esos dos grandes navíos, museos flotantes y obres maestres de carpintería de ribera, para remembrar y dar a conocer la so hestoria, ente los visitantes. Dambos barcos realizaron yá travesíes de miles de milles náutiques pel mundu, espublizando’l nuesu patrimoniu marítimu n’importantes xires internacionales.

La Nao Victoria ye un barcu de pinu y carbayu, de 26 metros d’eslora y 7 de manga, con 4 palos que arbolen 7 veles, construyíu col máximu rigor históricu. Mientres los años 2004/2006 completó la so propia vuelta al mundu y, de magar, realizó delles xires por EE.XX. y países d’Europa, como Francia, Inglaterra, Holanda, Bélxica, Alemaña, Lituania o Polonia.

El Galeón Andalucía ye un navío de 55 metros d’eslora, madera de iroko y pinu, 4 palos y 930 m2 de superficie vélica nos sos siete veles. Saleó hasta China pa participar na Expo Shanghái 2010 y, a la so vuelta, crució l’Atlánticu pa visitar Santu Domingo, Puertu Ricu, EE.XX. y Canadá, recalando en más 70 ciudaes como Nueva York, Washington D.C., Filadelfia, Boston, Chicago, Miami, San Juan de Puertu Ricu, Toronto o Quebec. Anguaño atópase realizando xuna esitosa xira pel norte d’Europa.

Miles de persones de too el mundu visitaron yá les cubiertes d’estos navíos que, per primer vegada, van atracar xuntos en Xixón. Una estampa única de la nuesa hestoria marítima que va poder esfrutase per unos díes na ciudá.

DATOS DE LES VISITES:
Fecha: 19 al 23 de septiembre
Barco: Galeón Andalucía y Nao Victoria.
Allugamientu: Puertu d’El Musel (Xixón/Xixón)
Preciu: Adultu 9€ / Neños 4€ / Familiar (2 adultos + hasta 3 neños) 20€
Horariu: 10:00h. a 19:00h.
Tiques: nel puntu d’accesu al festival y vienta online (www.fundacionnaovictoria.org).

  Categories: