Portada Música El Festival Internacional de Pianu enllena Xixón de música

El Festival Internacional de Pianu enllena Xixón de música

by asturnet

Al igual que n’años anteriores, el festival va estender los sos conciertos a toa Asturies. Mientres catorce díes Xixón va acoyer siete conciertos gratuitos, nel Centru Municipal Integráu de Pumarín Xixón-Sur y nel auditoriu del IES Fernández Vallín. Tamién va haber una collaboración especial col Conservatoriu Superior Música “Eduardo Martínez Torner” d’Uviéu, onde se va celebrar un conciertu.

L’auditoriu del IES Fernández Vallín de Xixón va acoyer dos recitales, los díes 18 y 19 d’agostu, protagonizaos polos pianistes norteamericanos Amy Gustafson y Gregory De Turck respectivamente. Los recitales nel Fernández Vallín van ufiertase a les 20:00 hores.

Especial interés revisten les cuatro exhibiciones pianístiques que, sol títulu de “Ciclu de Nuevos Solistes Internacionales”, van celebrase nel Centru Integráu de Pumarín Xixón-Sur los díes 24, 25, 26 y 27 d’agostu, n’horariu de 19:30 hores.

Tamién te podria gustar