El Festival Escenines pala Reciella entama’l 27 cola presentación del CD “Bestiariu”

El Festival Escenines pala Reciella entama’l 27 cola presentación del CD “Bestiariu”
16 avientu 16:39 2015 Imprimir

El Festival de Teatru Infantil y Xuvenil n’asturianu organizáu pola asociación “Reciella, families pol asturianu” va desenvolvese dende’l día 27 col sofitu del Ayuntamientu de Xixón, la Caja Rural y el C.P. Xovellanos onde tienen llugar les representaciones. El Festival entama esti añu cola presentación del CD Bestiariu.

El programa arranca esti domingu 27 d’avientu a les 12.00 hores col conciertu presentación del CD recopilatoriu “Bestiariu”, que ya tien na rede un adelantu del discu y pal que yá ta confirmada la presencia de casi toles bandes , con entrada gratuita como toles actividaes d’Escenines.

El miércoles 30 d’avientu, a les 19 hores, representarase la obra “Grana de cardamomu” d’El Callejón del gato. Y el sábadu 2 de xineru, a les 12 hores asocederá lo mesmo cola obra “Arriba’l periscopiu” d’Higiénico Papel.

El llunes 4 de xineru, a les 19 hores, pesllarase la programación d’esti Festival de l’Asociación Reciella, con “Xuan Soldáu” del actor y monologuista Carlos Alba “Cellero”.

Loading Facebook Comments ...