El Festival Escenines pa la Reciella de 2017 yá tien programa

El Festival Escenines pa la Reciella de 2017 yá tien programa
21 12:10 2017 Imprimir

A piques d’acabar esti primer trimestre del cursu, y coincidiendo coles vacaciones escolares, l’asociación “Reciella: families pol asturianu” vuelve a entamar otra vuelta una nueva edición del Festival Escenines pa la Reciella.

Coincidiendo con esta quinta edición el programa d’actividaes ye especialmente ambiciosu, y formen parte d’él dende la música hasta los monólogos o los espectáculos de teatru, que van desenvolvese del miércoles 27 al sábadu 30 d’avientu.

El miércoles 27 nel Salón d’actos del Centru de Cultura Antiguu Institutu (CCAI) Martín Peña y Carlos Alba Cellero van abrir pa los neños dende 6 años el Festival con “Contábenmelo en casa” y al dia siguiente, la Compañía Kamante Teatro va representar nel mesmu llugar pa neños dende 3 años “De qué color ye’l Sol”.

El vienres 29 va ser el Callejón del Gato’l que va ufrir la representación de “La neña de les trences al revés” y el sábadu finará nel C.P. Xovellanos la programación col conciertu presentación del discu “Bestiariu 3″.

Toles representaciones, un total de cuatro, van tener llugar nel Salón d’Actos del Colexu Xovellanos de Xixón y el Centru de Cultura Antiguu Institutu (CCAI), y la entrada ye gratuita.

Loading Facebook Comments ...