Portada Cine El festival de Sitges abre les inscripciones de filmes y curtios pa so 53 edición

El festival de Sitges abre les inscripciones de filmes y curtios pa so 53 edición

by redacción asturnews

El Festival de Cine de Sitges abrió’l períodu d’inscripciones de llargumetraxes y curtiumetraxes para programar na 53 edición del eventu, que se va celebrar ente’l 8 y el 18 d’ochobre d’anguaño.

El comité de programación, al traviés d’un comunicáu, sorrayó que, a pesar de la crisis pol coronavirus, ta trabayando “con normalidá y responsabilidá” y yá ta avanzando “nos visionados y selección de los primeros títulos que van configurar la próxima edición”. La fecha de zarru de les inscripciones, pa toles categoríes del festival, va ser el próximu 15 de xunetu.

El festival de Cine de Sitges ta consideráu como unu de los primeres del mundu, nel que mientres una decena de díes ufiértense películes del xéneru de terror, fantásticu y ciencia ficción, ente otres.

Desque empecipiara la so andadura en 1968, recibió la visita d’intérpretes y directores de los cinco continentes, dende Quentin Tarantino o Paul Verhoeven, a David Cronenberg, Peter Greenaway, Viggo Mortensen, Jodie Foster, Santiago Segura, Álex de la Ilesia, Guillermo del Toru o Susan Sarandon.

Tamién te podria gustar