EuropaFiestesMunduSociedá El festival de Edimburgo suspende la so edición de 2020 pol coronavirus by redacción asturnews 3 d'abril, 2020 written by redacción asturnews 3 d'abril, 2020 73 Per primer vegada en más de setenta años, el Festival Internacional de Edimburgo y el Fringe nun se van celebrar n’agostu de 2020 por cuenta de la pandemia de coronavirus qu’afecta a tol mundu, anunciaron esti miércoles los sos organizadores. Nun comunicáu conxuntu, les asociaciones que planien estos eventos precisaron que tampoco se llevarán a cabu’l Festival d’Arte, el Festival del Llibru y el Festival de bandes de música militares, conocíu como Royal Military Tatto. Los cinco certames d’Edimburgo tienen llugar mientres el mes d’agostu y dan cabida a más de 5.000 eventos que tresformen la capital d’Escocia al acoyer a más de 25.000 artistes, escritores y músicos de 70 países y a un públicu de 4,4 millones de persones. Los sos organizadores habíen calificáu’ Festival como’l segundu eventu cultural más grande del mundu dempués de los Xuegos Olímpicos, que tamién taben previstos pa xunetu d’anguaño, pero que s’aplazaron pal siguiente pol mesmu motivu. El director del Festival Internacional, Fergus Linehan, espresó la so “decepción” al tener qu’anular l’eventu, pero precisó que, énte l’actual crisis sanitaria, tratar de la decisión correcta”. “El Festival Internacional de Edimburgo nació de l’adversidá, una necesidá urxente de reconectase y reconstruyise. La crisis actual tráinos a toos un sentíu d’urxencia similar. El trabayu empieza de momentu pal Festival 2021, que va impulsar tantu’l nuesu espíritu como la nuesa economía”, afirmó. Shona McCarthy, directora executiva del Fringe, coincidió en que la seguridá de los participantes, el públicu, los residentes locales y toos aquellos conectaos” a los festivales foi la prioridá en tomar d’esta drástica decisión y aprofió que van faer “tolo posible” p’ayudar a los artistes afectaos pola midida. “Dende’l so entamu en 1947, los festivales de Edimburgo esistieron pa defender el florecimientu del espíritu humanu y, frente a esta emerxencia mundial verdaderamente ensin precedentes, creemos qu’esti espíritu precísase agora más que nunca”, destacó. La hestoria de los festivales, qu’anguaño se diben a celebrar del 7 al 31 d’agostu, remontase a 1947, cuando, tres la Segunda Guerra Mundial, fundóse’l Festival Internacional de Edimburgo nun intentu de reconciliar y axuntar a persones y naciones al traviés del arte. Tan solo un añu dempués nació’l Fringe de la mano d’ocho grupos de teatru que nun fueron escoyíos pol Festival Internacional y que decidieron crear el so propiu certame p’actuar “on the fringe” o “al marxe” del circuitu principal. 0 FacebookTwitterPinterestEmail Anterior Educación comprométese a facilitar medios dixitales pa finar el cursu siguiente Uviéu aprueba la distribución de les tarxetes comedor pa más de 4000 families Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre El Trasiegu Fest conclúi col envís de poner... El Trasiegu Fest va tener un mercáu con... Aína entama’l cursu políticu con un actu n’Uviéu La Banda Gaites de Castrillón ufrió’l so repertoriu... La Delegación asturiana en Lorient protagoniza la xornada... La UABRA aporta a la segunda selmana d’actividaes