El Festival de Cine Asturianu abre’l plazu pa presentar candidatures

by asturnet | octubre 4, 2010 8:44 am

[1]

La sétima edición del Festival de Cine Asturianu abre’l plazu pa la presentación de candidatures, pudiendo participar realizadores individual o colectivamente. El Concursu tien dos categoríes principales. La primera, formada por obres en llingua asturiana y la otra, por obres asturianes en cualesquier otra llingua. Al Concursu podrán presentase llargumetraxes, curtiumetraxes, mediumetraxes, o documentales en cualesquier formatu yduración, preferiblemente en DVD, siempres que tean realizaos en llingua asturiana.

Tamién pueden presentase obres feches por realizadores asturianos o rodaes básicamente n’Asturies o nos Países Asturianos en cualaquier llingua y en cualuquier añu de realización. Les bases completes pueden consultase na páxina del festival.

Endnotes:
  1. [Image]: http://asturnews.com/bancofotos/fotos/2/4304.jpg

Source URL: http://asturnews.com/el-festival-de-cine-asturianu-abre%c2%92l-plazu-pa-presentar-candidatures/